Y Dyddiau Cynnar

1111-1666

Y mae eglwys wedi bod ar y safle hwn, yn gysegredig i Bened Sant (neu Benedict), ers y ddeuddegfed ganrif. 

Cyfeiriodd Shakespeare ati yn Twelfth Night: Feste, y digrifwr, wrth holi’r Dug Orsino i ategu trydydd darn o arian i’r ddwy mae’n eu cynnig iddo, yn ei atgofio “the bells of St Bennet, sir, may put you in mind – one, two, three”. 

Yn yr unfed ganrif ar bymtheg, am fod porth Castell Baynard wrth lan yr afon, mae’n bosib y derbyniodd Anne Boleyn a Lady Jane Grey eu defodau olaf yn Bened Sant ar eu ffordd i’r Tŵr i gael eu dienyddio. Yr oedd yr afon Tafwys bryd hynny wrth gwrs yn brif dramwyfa ac mae’n bosib y gorffennodd yr anffodusion eu siwrnai mewn cwch.

Ers 1555, mae Bened Sant wedi bod yn eglwys y College of Arms, gyda’i bencadlys dros y ffordd ar Stryd y Frenhines Victoria. Mae’r Coleg yn rhoi arfau bonedd i’r rhai yr ystyried yn deilwng ohonynt. 

Ym 1652, claddwyd yn Bened Sant wrth ymyl ei rieni Inigo Jones, y pensaer a dyfeisiwr masciau’r theatr, yn brif adnabyddus am gynllunio y Banqueting House yn Whitehall.